BIBLIOTHECA MONASTERII S. GERMANI A PRATIS,
Benedictinorum Congregationis Sancti Mauri Lutetiae Parisiorum.

Pour citer ce texte

Possesseur(s) : Paris, Saint-Germain-des-Prés, abbaye O.S.B.

Date : 1738 (publication de la BBMN).

Répertoire(s) : Om. BMMF. — Petitmengin 1998, p. 577, nº [85].

Analyse : Au commencement de la section consacrée à la bibliothèque de Saint-Germain, Montfaucon a établi un récapitulatif des principales acquisitions récentes, rendant spécialement hommage aux dons d’Eusèbe Renaudot et d’Henri-Charles Du Cambout de Coislin (dont un extrait du catalogue suit immédiatement). La section commence ainsi par un recensement des « trésors » de la bibliothèque de l’abbaye, à savoir quelques manuscrits tardoantiques ou mérovingiens : quatre provenant de l’ancienne bibliothèque de Coislin, et cinq du fonds de Saint-Germain.

Source(s) : BBMN, t. II, p. 1041 (↗).

Édition(s) : —.

Bibliographie : Petitmengin 1998, p. 578.

Rédaction : JD, 2016.

Haec Bibliotheca nostra, jam multis aucta; videlicet insigni illa Bibliotheca Manuscriptorum Excellentissimi Domini Henrici Caroli du Cambout de Coislin, Episcopi Metensis, Ducis & Paris Franciae, quae olim fuerat Cl. viri Seguerii, Franciae Cancellarii: itemque Bibliothecâ Manuscriptorum Doctissimi viri Eusebii Renaudotii: His, inquam, incrementis nobilitata, jam inter praestantissimas Europae Bibliothecas censeri potest, sive numerum spectes, sive precium Manuscriptorum codicum.

Imo vero si de codicibus illis agamus quorum antiquitas & praestantia orbem literarium ad spectaculum evocat, nulla omnino Bibliotheca est, quae tot tantosque proferre possit uncialibus literis descriptos & remotissimae antiquitatis.

  • item 1. In Coisliniana enim est ille liber Bibliorum in-folio Graecus, qui Heptateuchum & magnam partem librorum Scripturae Sacrae continet unciali charactere quadrato & rotundo, cum Hexaplorum notis ad marginem, sexto vel septimo saeculo exaratus.
  • item 2. Psalterium unciali similiter charactere descriptum, sine accentibus & spiritibus sexti circiter saeculi.
  • item 3. Quatuordecim folia ex Epistolis Pauli, quae ad fidem manuscripti Bibliothecae Caesareae in Palestina, manu S. Pamphili exarati, quinto circiter saeculo descripta.
  • item 4. S. Cypriani codex uncialibus literis sexto vel septimo saeculo scriptus. Hujus Auctoris tantae vetustatis codicem nullum novi.

In veteri autem San-Germanensi Bibliotheca multo plures hujus generis codices numerantur, videlicet:

  • item 5. Celeberrimus ille codex Psalmorum Latine, argenteis & aureis literis uncialibus in charta purpurea exaratus, quinti sextive saeculi, quem vulgo S. Germani Psalterium nuncupant.
  • item 6. Codex Evangelii S. Matthaei in charta purpurea rubra, aureis & elegantibus literis septimi circiter saeculi.
  • item 7. Codex Epistolarum S. Pauli Graece & Latine, uncialibus literis quadris & rotundis, septimi saeculi.
  • item 8. Codex ille insignis Epistolarum S. Augustini in papyro Aegyptiaca descriptus uncialibus literis, perquam rarus, cujus specimen & amplam descriptionem protuli in Supplemento Antiquitatis explanatae paulo ante finem tertii tomi.
  • item 9. Ad haec vero codex Canonum & Conciliorum peramplus uncialibus literis quadratis & rotundis, quo pulcrior alter vix reperiatur.
  • item 10. Praeterea codices Origenis, S. Augustini & aliorum uncialibus item literis, quae infra suo loco memorabuntur. Hic satis erit dixisse plus quam viginti codices uncialibus literis hanc Bibliothecam nostram exornare.

A Coisliniana autem incipiendum duximus.